छन्न पकैय्या छन्न पकैय्या ,मारो हकन कुदारी
घर के आगी बुताय खातिर,खोद कुंआ  तैय्यारी

छन्न पकैय्या छन्न पकैय्या ,फटे ढोल जब होली
मतलब साफ झलकता जैसे ,बोतल ज्यादा खोली


छन्न पकैय्या छन्न पकैय्या ,पारे बर हे हाना
कोनो अतलंगी छूटे झन ,नजदीक हवे थाना

छन्न पकैय्या छन्न पकैय्या ,मिठलबरा के बोली
भांग के शरबत बगरा चलिस, कोस आठ होली

छन्न पकैय्या छन्न पकैय्या ,छोलाय दिखे माड़ी
तोरे बाबू पी के टूरा ,हपटत आइस ताड़ी

छन्न पकैय्या छन्न पकैय्या ,कतेक करन अगोरा
गंगा में डुबकत नन्दागे ,गंगा बाजू छोरा

छन्न पकैय्या छन्न पकैय्या ,हमरो अतका  अरजी
आनी -बानी गुलाल मलेव ,मनमाने मन-मरजी

छन्न पकैय्या छन्न पकैय्या ,बदलिस मौसम मर्जी
टोपी सीयत हवे  आजकल , चड्डी सिलय्या दर्जी


छन्न पकैय्या छन्न पकैय्या ,दू के बोल पहाड़ा
पीट-पीट के फोडे डरेव,जात- कुजात नगाड़ा



छन्न पकैय्या छन्न पकैय्या ,काखर घी हे असली
पद्मावत के छाती छलनी ,तोड़त काबर पसली

सुशील यादव  दुर्ग



 सार छंद

छन्न पकैय्या छन्न पकैय्या,भौजी मारे ताना
कतका असन कती गंवागे ,देवर पारत हाना

छन्न पकैय्या छन्न पकैय्या ,दुनो हाथ में लाडू
चलव सफाई अभियान अभी,मारे बर हे झाड़ू

छन्न पकैय्या छन्न पकैय्या ,वेलेंटइन अगोरा
गंगा किनारे घुमत खानी ,टकरा जाही छोरा

छन्न पकैय्या छन्न पकैय्या ,मड़ई ऐसो फीका
बिलइ के भाग टूटत नइये,मजबूत हवय छींका

छन्न पकैय्या छन्न पकैय्या ,छेदा- छेदा पनही
टेटकु किस्मत कइसे जगही ,जाने कइसे बनही

सुशील यादव  दुर्ग



छन्न पकैय्या छन्न पकैय्या, चिर्पोटी बंगाला

अमसुर होवत राज तुंहरे ,हमरो देश निकाला



छन्न पकैय्या छन्न पकैय्या, राजनीति खपचल्हा

दिन बहुरे काखर हे देरी ,होवय नकटा- ठलहा



छन्न पकैय्या छन्न पकैय्या, होवय नेता लबरा

सपनावत रहिबे बाँध-बनही ,खनाय रहिथे डबरा


छन्न पकैय्या छन्न पकैय्या, दोनों हाथ म लाडू

सूट- पेंट पहिरे खातिर अब , दिल्ली मारो झाड़ू



छन्न पकैय्या छन्न पकैय्या,सीखो गा बदमाशी

दारु दुकान खोले मिलही ,परमिट बारामासी



छन्न पकैय्या छन्न पकैय्या,गुरतुर जेखर बोली

सब्सीडी एसो रंग मिलही ,खेलेबर जी होली

15.2.16

वेलेंटाइन छत्तीसगढ़ी स्टाइल

छन्न पकैय्या छन्न पकैय्या,मनाव वेलेन्टाइन

जरहा बीडी कान खुचैया,तुम्हला का समझाइन



छन्न पकैय्या छन्न पकैय्या,बासा होटल चलबो

जलईया मन के छाती मा,मुंग-मसूर दलबो



छन्न पकैय्या छन्न पकैय्या, टुटहा जेखर पनही

वेलेंटाइन राग गवइया , लबरा नेता बनही



छन्न पकैय्या छन्न पकैय्या,करव टोटका टोना

वेलेंटाइन गाँव म घुसरत ,बचाव कोना कोना



छन्न पकैय्या छन्न पकैय्या, हवय दाम दू पइसा

पान खवातेन वेलेन्टाइन,खोजब पाछू भइसा



छन्न पकैय्या छन्न पकैय्या,सूट बूट ला पहिरो

वेलेंटाइन मनाय खातिर,हमर सेती सम्हरो


छन्न पकैय्या छन्न पकैय्या, उतरिस घर में डोला

अनारकली, मुमताज, हीरा ,देवव खिताब तोला



छन्न पकैय्या छन्न पकैय्या, बजा बजा के दफडा

टूरा के हमरो ताका झांकी , वेलेन्टाइन लफडा


छन्न पकैय्या छन्न पकैय्या,जीवरा करय कुल-कुल

डिपरा के रहवइया संगी ,खचका जावय ढुल २



छन्न पकैय्या छन्न पकैय्या,टूरा हे खपचल्हा

दाई ददा के बखान सहय,काबर नकटा- ठलहा



कुम्भ ठिठुरते मेले में

कंबल ओढा कोई संत है क्या

सागर की निर्मम लहरों का

किनारे सुखद अंत है क्या

सूनी राह मिल गई हो मुझको

जंगल को सौगात बसंत है क्या



@@@